Taliparanti ngarupakeun hiji budaya, adat kabiasaan, wawasan pengetahuan urang Sunda nu domain implementasinya umumna di ranah teknis.
Secara sederhana, etimologi Taliparanti tiasa dirundaykeun kana hartos Tali nyaeta sarana panyambung, jeung Paranti hartina kagunaan. Jadi atah comotna, Taliparanti tiasa dibasakeun sarana kagunaan atawa medium fungsional.
Dina pengertian modern tiasa disandingkeun kana istilah teknologi, sanajan aya perbedaan pandangan kayakinan ti masyarakat pendukungna. Pikeun Masyarakat Sunda baheula Taliparanti sifatna komprehensif ngawengku infrastruktur jeung suprastruktur, materil jeung imateril, nyata jeung gaib, buana tengah jeung buana luhur, dadasar manufakturna serat-serat alam nu katingali jeung nu te katingali.
Sedengkeun teknologi di pengertian manusa modern ngan ukur dianggap bersifat material, te ngadopsi khazanah nu bersifat imateri/ ghaibiyah, jeung manufakturna nyaeta serat-serat optikal (software).
Tapi secara substansi, Taliparanti jeung teknologi fungsina sarua pikeun ngamudahkeun kahirupan manusa ku jalan ngaberdayakeun sadaya potensi.
Anapon ari kitu mah Taliparanti oge tiasa disebut teknologi karuhun Sunda, tapi teknologi nu komprehensif sesuai pandangan buhun nu basisna manunggaling sarira hyang : ngahijina manusa jeung nu te katingali (kegaiban), buana nyata jeng alam hyang te bisa dipolarisasikeun. Jadi pikeun manusa Sunda kapungkur, Taliparanti leuwih ngarupakeun hiji pandangan atau falsafah kahirupan nu implementasi teknisna bersifat fleksible sakumaha karep jaman jeung kamajuan hirup.
Namung dina pemahaman Sunda Kiwari, istilah Taliparanti siga nu ngalami penyempitan makna nyaeta ngan ukur diistilahkeun ka hal-hal nu bersifat gaibiyah semata, cenderung ritualisasi formil, jeung substansina dominana ka alam hyang. Salian ti eta, Ssfatna teknis jeung falsafahna tos ngurangan, manawi latar belakang sistem kosmologi masyarakat pendukungna tos robah. Kusabab eta kiwari mah sebutan Taliparanti ngan dilaratkeun ka ritual-ritual sapertos nyajen, menyan, bari ditambah parancahan jeung sabangsaning kayakinan ritual buhun sanesna. Ranah teknisna umumna berkaitan di soal tatanen.
Jadi, lamun aya paribasa Urang Sunda kudu ngahirupkeun deui Taliparanti, numutkeun penulis mah, sanes hartosna kudu ngaramekun nyajen, nyawen, parancahan atawa sabangsana. Namung ajakan ngaberdayakeun akal pikiran ngabedah pengetahuan ku cara ngahirupkeun budaya tali paranti (iklim pengetahuan beroutput teknologi praktis/sarana) pikeun ngajadikeun kahirupan leuwin babari jeung gampang.
Baheula ngolah sawah ku munding jeng singkal, ayeuna ku padati jalan sorangan (traktor), ka hareupna manawi pake alat nu leuwih efektif dei. Baheula nitipkeun siki ka taneuh ku perantara mantera, ayeuna ku doa, kahareupna manawi ku serat hydro.
Baheula nitipkeun sawah ka oray, ayeuna ka pupuk (organik), ka payun robah deui. Rea-rea penerapan Taliparanti dina kahirupan urang, nu sifatna dinamis, hi-tech jeung fungsional. Insya Allah, lamun ceunah Taliparanti dipersepsikeun sebagai pendekatan teknologi manawi Urang Sunda pasti jaya di buana.
